गरियाबंद, 29 जून 2024। मुख्यमंत्री श्री विष्णु देव साय के संवेदनशील सरकार मनखे मन के हित म जल्दी काम करत हे। समय सीमा के भीतर जरूरतमंद परिवार ल अनुकंपा नियुक्ति मिल सकय, शासन ए बात म सरलग प्रयास करत हे। गरियाबंद जिला के श्रीमती बेदमति ध्रुव ल आवेदन करे के एके महिना म अनुकंपा नियुक्ति मिल गए हे। शासन के जल्दी कार्यवाही बर वो ह मुख्यमंत्री ल धन्यवाद देहे हे।
गरियाबंद जिला के श्रीमती बेदमति ध्रुव के पति धानेन्द्र प्रताप ध्रुव ग्राम पंचायत सचिव रहिस। 3 जून 2024 के ओखर आकस्मिक निधन हो गीस। 19 जून के श्रीमती ध्रुव ह जनपद पंचायत गरियाबंद म अनुकंपा नियुक्ति बर आवेदन दे रहिस। जिला पंचायत सीईओ श्रीमती रीता यादव ह आवेदन उपर जल्दी कार्यवाही करत एक महिना के भीतर ही आवेदन के परीक्षण के बाद 26 जून 2024 के वोखर अनुकंपा नियुक्ति पास कर दीस। अब श्रीमती ध्रुव ल गरियाबंद जिला के अंतर्गत ग्राम पंचायत मालगांव (प्रशासनिक) म पंचायत सचिव पद म पदस्थ करे गए हे।
जानबा हे मुख्यमंत्री श्री विष्णु देव साय ह 27 जून के आयोजित जनदर्शन म अनुकंपा नियुक्ति बर आए आवेदन मन के निराकरण संबंधित अधिकारी मन ल गंभीरता ले करे के निर्देश देहे हें।
