मुख्यमंत्री श्री विष्णुदेव साय के संवेदनशील पहल ले दुर्योधन राम ल मिलही नवा सहारा

10 साल जुन्ना जख्म म मरहम बनही कृत्रिम पैर, रायपुर म होही इलाज
सीएम कैंप कार्यालय बगिया ले अब तक 2,856 मरीज मन ल मिलीस लाभ
रायपुर, मुख्यमंत्री श्री विष्णु देव साय के संवेदनशील पहल ले दुर्योधन राम के जिंदगी एक पइत फेर नवा मुस्कान ले भर उठही। लगभग 10 साल पहिली होए एक दर्दनाक सड़क हादसा म दुर्योधन के जेवनी पांव काटना परे रहिस। ये घटना वोखर बर एक बड़का सदमा रहिस। मुख्यमंत्री कैंप कार्यालय ह वोखर पीरा ल समझ ओ ल रायपुर इलाज बर भेजे के निर्णय लेहे हे, जिहां दुर्योधन ल कृत्रिम पैर लगाए जाही।
मजदूरी करके अपन परिवार के भरण-पोषण करइया ग्राम बोकी कारीताला रहवइया दुर्योधन बर ये दुर्घटना मानो जीवन म पहाड़ टूटे जइसे रहिस। परिवार के जिम्मेदारी मन के बीच बने अस्पताल म इलाज कराना वोखर बर अड़बड़ कठिन रहिस। वोखर सबले बड़े इच्छा इही रहिस के ओ ल कृत्रिम पैर मिल सकय ताकि ओला अपन कामकाज म आसानी होवय। वो ह मुख्यमंत्री कैंप कार्यालय म आवेदन प्रस्तुत करके अपन व्यथा साझा करिस अऊ कृत्रिम पैर लगवाए के निवेदन करिस। आवेदन म संजीदगी ले संज्ञान लेत कैंप कार्यालय ह तुरंते पहल करिस अऊ ओ ल इलाज बर रायपुर भेजे के प्रबंध करिस। 
अपन खुशी व्यक्त करत दुर्योधन राम ह कहिस के मुख्यमंत्री श्री विष्णुदेव साय आम जनता के तकलीफ ल अपन समझथे। कैंप कार्यालय हमेशा ही आम आदमी के मदद बर तत्पर रहिथे।