संवेदनशील मुख्यमंत्री के संवेदनशील पहल : बचपन ले दिव्यांग बहिनी मन के होही इलाज

रायपुर, संवेदनशील मुख्यमंत्री श्री भूपेश बघेल ह आज दुर्गुकोंदल म बचपन ले दिव्यांग बहिनी प्रियंका दुग्गा अऊ प्रीति दुग्गा के इलाज बर हर सम्भव कदम उठाए के निर्देश दीन। दुर्गुकोंदल भेंट मुलाक़ात कार्यक्रम के समाप्ति म मुख्यमंत्री श्री भूपेश बघेल मनखे मन ले आवेदन लेहे खुद ऊंखर बीच पहुंच गें। ये बेरा म उंखर नज़र भीड़ म आशा भरे निगाह ले ताकत दिव्यांग बेटी प्रियंका दुग्गा उपर परिस। मुख्यमंत्री ह तुरन्ते प्रियंका अऊ ओखर बहिनी प्रीति ल आगू बलवाइस अऊ उंखर समस्या सुनिस। प्रियंका ह बताइस कि वो अऊ ओखर छोटे बहिनी प्रीति दुनों बचपन ले दिव्यांग हे, दुनों के हाथ अऊ पैर म दिव्यांगता हे। प्रीति ल बोले म घलोक परेशानी होथे। उंखर माता के बहुत पहिली ही देहांत हो गए हे। दुनों बहिनी के पिता श्री राजकुमार दुग्गा घलोक दिव्यांग हे अऊ ओ मन लकड़ी बेच के परिवार के भरण पोषण करत हें।
मुख्यमंत्री श्री भूपेश बघेल ह बिटिया प्रीति व प्रियंका के व्यथा सुन के तुरन्ते कलेक्टर ल दुनों बहिनी मन के बेहतर ले बेहतर इलाज बर हर सम्भव कदम उठाए के निर्देश दीन।