– कलेक्टर श्री अंकित आनंद ह ली महत्वपूर्ण बैठक
दुर्ग 10 अप्रेल 2020। जिला अस्पताल, सिविल अस्पताल सुपेला, सामुदायिक स्वास्थ्य केंद्र मन म फीवर सेंटर होही। इहां सर्दी, खांसी, बुखार के मरीज मन के अलग जांच होही। एखर ले गंभीर लक्षण होए म सैंपल जिला अस्पताल भेजे जाही। ये फीवर सेंटर के अलग हो जाय ले ओपीडी म संक्रमण के आशंका अऊ घट जाही। आज कलेक्टर श्री अंकित आनंद के अध्यक्षता म होए बैठक म ये निर्णय लेहे गीस। बैठक म अब तक स्वास्थ्य विभाग कोति ले चिन्हांकित करे जात बाहिर ले अवइया मनखे मन के आइसोलेशन अउ क्वारन्टीन ले संबंधित गतिविधि मन के समीक्षा करे गीस। बैठक म कलेक्टर ह कहिन के जऊन मनखे बाहिर ले आए हे उंखर ट्रेवल हिस्ट्री के संग ये घलोक जानकारी सकेलन होही के वो काखर-काखर संग मिले है। एखर संग जहां ले बाहिर ले अवइया मनखे मन के जानकारी मिलही, एखर संबंध म स्वास्थ्य विभाग जल्दी कार्रवाई करही, ओ मन ल आइसोलेट करके जांच संबंधी जरूरी कार्रवाई करे जाहि। उमन कहिन के स्वास्थ्य केंद्र मन म अवइया सर्दी बुखार के मामला अउ अइसन प्रकार के आन मामला म कोरोना के आशंका होए म सैंपल जांच बर आगू भेजे जाए। कलेक्टर ह बैठक म कहिन के सर्वीलाइंस टीम ले मील सूचना के आधार म जल्दी कार्रवाई करे जाय। कलेक्टर ह जिला म जरूरतमंद मन बर चलत राहत कार्य मन के घलोक समीक्षा करिन। उमन कहिन कि हर जरूरतमंद ल चिन्हांकित करके सहायता पहुंचाए जाय। उमन कहिन के दूसर जिला अउ राज्य म फंसे मनखे मन ल लॉक डाउन के समय रहै खाए के कोनो दिक्कत झन होवे ये सुनिश्चित करे जाए। जरूरी चीज मन के अधिकाधिक होम डिलीवरी सुनिश्चित करे जाय। संगेच किराना दुकान, मेडिकल शॉप आदि म सोशल डिस्टेंसिंग के विशेष ध्यान रखव। कलेक्टर ह बैठक म कई वर्ग मन के हित बर लॉक डाउन के समय चलाए गए योजना मन के क्रियान्वयन के समीक्षा घलोक करिन। बैठक म जिला पंचायत सीईओ श्री कुंदन कुमार संग आन अधिकारी उपस्थित रहिन।
