आधुनिक उपकरण अऊ नेत्र विशेषज्ञ के आए ले जिला म गंभीर नेत्र रोग मन के घलोक होवत हे उपचार
कोण्डागांव, देश के 112 आकांक्षी जिला मन म सामिल कोण्डागांव एक जनजातीय बहुल जिला ये। जिहां 80 फिसदी ले जादा आबादी गांव मन म निवास करथे। जिहां जनजातीय गांव मन म सबो रोग अऊ व्याधि मन के उपचार बर गांव वाले मन झाड़फूक अऊ परम्परागत चिकित्सा पद्धति ले उपचार करथें। अइसन म ए क्षेत्र मन म मोतियाबिंद जइसे नेत्र व्याधि मन ल सामान्य वृद्धावस्था के समस्या मानके अनदेखा कर दे जाथे। अइसन म अपन आंख के रौशनी ल जात देखके घलोक मनखे एखर संबंध म कुछ नइ कर पावय अऊ धीरे-धीरे ओला सब कुछ दिखना बंद हो जाथे। ये स्थिति ल देखके राज्य शासन के निर्देश म जिला म सीएमएचओ डॉ0 टीआर कुंवर के मार्गदर्शन म अंधत्व निवारण कार्यक्रम चलाए जात हे।
