सेवा के मूलमंत्र ल लेके लइका मन म कर्मठ अऊ जिम्मेदार नागरिक के गुण मन के करव विकास

जगदलपुर, कनिश्नर श्री जी आर चुरेंद्र ह कहिन के समाज के सेवा अऊ राष्ट्र के सेवा के मूलमंत्र ल लेके लइका मन म कर्मठ अऊ जिम्मेदार नागरिक के गुण मन के विकास करे जाना चाही। ओ मन शिक्षा विभाग के अधिकारी मन ल जगदलपुर शहर के शासकीय बहुउद्देशिय उच्चतर माध्यम शाला म बुधवार के आयोजित संभाग स्तरीय समीक्षा बैठक म ये बात कहिन।
बैठक म कमिश्नर श्री जीआर चुरेन्द्र ह कहिन के शिक्षा के क्षेत्र म बस्तर संभाग ल राज्य म पहिली स्थान म रखे बर सामुदायिक सहभागिता उपर बल देवव। समय-समय म पालक-बालक सम्मेलन के आयोजन अऊ सामाजिक सरोकार के मुद्दा मन म शाला प्रबंधन अऊ विकास समिति के संग अधिकारी मन अऊ शिक्षक मन ल गहन चर्चा करके सामाजिक बुराईय मन के रोकथाम उपर बल देवव। कमिश्नर ह जल संरक्षण, वृक्षारोपण, खेल मैदान के श्रमदान ले निर्माण करे के बात म विस्तार ले मार्गदर्शन दीन। बैठक म संयुक्त संचालक शिक्षा हेमन्त उपाध्याय, बस्तर संभाग के समस्त जिला शिक्षा अधिकारी, डाईट प्राचार्य, जिला मिशन समन्वयक राजीव गांधी शिक्षा मिशन, बीईओ अऊ एबीइओ उपस्थित रहिन।