एक दिवसीय प्रवास म कवर्धा पहुचे प्रदेश के उपमुख्यमंत्री, गृहमंत्री विजय शर्मा ह 25 दिव्यांगज मन ल पेट्रोल चलित स्कूटी बांटिन
उपमुख्यमंत्री श्री शर्मा ह कहिन दिव्यांगजन मन अऊ आमजन के सेवा ले मिलथे आत्मीय खुशी
रायपुर, 09 अगस्त 2024। प्रदेश के उपमुख्यमंत्री अउ गृहमंत्री श्री विजय शर्मा ह कवर्धा प्रवास के समय विधायक कार्यालय म जिला के 25 दिव्यांगजन मन ल पेट्रोल चलित स्कूटी बांटिन। उमन ए बेरा म दूर-दराज ले आए दिव्यांगजन मन ले आत्मीयता ले मुलाकात करिन अऊ उंखर समस्या मन ले रूबरू घलोक होइन। उमन कहिन कि प्रदेश म श्री विष्णु देव साय के सरकार आप मन के सहयोग अऊ आर्थिक विकास बर हमेशा संग रइही। उमन कहिन के मनखे मन के सेवा अऊ क्षेत्र के विकास हमर प्राथमिकता म सामिल हे। प्राथमिकता ले सबो समस्या के निराकरण करे जात हे। उमन कहिन दिव्यांगजन मन अऊ आमजन के सेवा म आत्मीय खुशी मिलथे।
श्री शर्मा ह एखर पहिली कवर्धा आगमन के समय ठाकुरदेव चौक म अपन वाहन रोकवाके आमजन ले भेंट करिन अऊ सबो के हालचाल जानिन।
उपमुख्यमंत्री श्री शर्मा कबीरधाम जिला के एकदिवसीय प्रवास म हे। श्री शर्मा आज जिला के तरेगांव, रेंगाखार अऊ कवर्धा के पीजी कॉलेज ऑडिटोरियम म आयोजित विश्व आदिवासी दिवस कार्यक्रम म घलोक सामिल होइन।
