सेवा संकल्प अभियान: महासमुंद के महतारी मन ला मिलिस 37 हजार दीया बनाए के आर्डर, गढि़न ‘संकल्प के दीया’

महासमुंद, प्रधानमंत्री नरेंद्र मोदी के राष्ट्रसेवा के 25 बछर पूरा होए के अवसर म चलाए जात ‘सेवा संकल्प अभियान’ के तहत महासमुंद जिला के महिला स्व-सहायता समूह के दीदी मन ‘आशीर्वाद का दीया’ कार्यक्रम बर माटी के दीया गढ़े के काम म जुटे हें। महासमुंद जिला के लड्डू गोपाल स्व-सहायता समूह ला 37 हजार दीया बनाए के बड़े आर्डर मिले हे। एकर अलावा खल्लारी क्लस्टर ला 8 हजार, खम्हरिया ला 7 हजार, कोमाखान ला 10 हजार अउ तेंदुकोना ला 9 हजार दीया बनाए के आर्डर मिले हे, जेकर बर एक दीया के कीमत 1 रूपया तय करे गए हे। समूह के अध्यक्ष भोज बाई चक्रधारी अउ आन महिला मन रमा चक्रधारी, गायत्री सिन्हा, योगेश्वरी दीवान, कविता दीवान अउ सुनीता सिन्हा ह कहिन के ए दीया मन ला बनाए ले ओमन ला दीपावली ले पहिली ही खुशी मिल गे हे, अउ मेहनत ले आमदनी के रद्दा खुले हे। महिला मन बताथें के ओमन के हाथ ले बने ए दीया मन प्रधानमंत्री नरेंद्र मोदी के प्रति आभार अउ सेवा-संकल्प के संदेश देही। जानबा हे के 17 सितंबर के संझा महासमुंद जिला म 6 लाख ‘आशीर्वाद के दीये’ प्रज्वलित करे जाही, जेमा ए महिला मन के श्रम अउ मेहनत के चमक घलो शामिल रइहि।