नवा राशन कार्ड मिले ले ऐतिका के परिवार ला मिलिस खाद्य सुरक्षा के बड़का सहारा

CHHATTISGARHI NEWS: खैरागढ़, छत्तीसगढ़ सरकार द्वारा संचालित ‘सेवा संकल्प अभियान’ अऊ जनहितैषी योजना मन के जरिए प्रदेश के गरीब अऊ जरूरतमंद परिवार मन के जिनगी म एक सुग्घर बदलाव आवत हे। खैरागढ़ जिले के ग्राम पेन्ड्रीकला निवासी ऐतिका के परिवार बर नवा राशन कार्ड मिल जाना एक बहुत बड़ संबल साबित होवत हे। पहिली राशन कार्ड नई होए के सेती ऐतिका के परिवार ला खुला बाजार ले महंगा दाम म अनाज बिसाए बर परत रहिस, जेकर सेती परिवार के कमाई के अधिकतर हिस्सा सिरिफ रासन के खरचा म ही चल देत रहिस। मजदूरी करके पेट पलइया ए परिवार बर हर महीना राशन के जुगाड़ करना एक भारी चुनौती रहिस अऊ दूसर जरूरी चीज मन बर पइसा नई बांच पावत रहिस।
फेर जब ले शासन के योजना के तहत ऐतिका के परिवार ला नवा राशन कार्ड मिले हे, तब ले ओखर घर के आर्थिक बोझा बहुत हद तक कम होगे हे। अब नियमित रूप से कम कीमत म रान मिले के सेती ऐतिका के परिवार के राशन खरचा म भारी कटौती होगे हे। मजदूरी के जे कमई पहिली सिरिफ पेट भरे म खरा हो जात रहिस, अब ओकर एक हिस्सा बचा के परिवार के दूसर जरूरी काम मन म उपयोग करे जात हे। ए सुविधा ले ऐतिका के परिवार म राहत के सांस आए हे अऊ ओमन चैन के जिंदगी बितावत हें।
ए प्रकार के जनहितैषी अभियान अऊ योजना मन के सेती गरीब मन के जीवन स्तर ऊपर उठत हे अऊ ओमन आत्मनिरभर बनत हें। सेवा संकल्प अभियान ह धरातल म पहुंच के वास्तविक रूप ले जरूरतमंद मन के दुख ला दूर करे के काम करत हे। ऐतिका जइसे हजारों लोगन के जिनगी म आये ए बदलाव शासन के संवेदनशीलता ल साफ देखाथे। ए योजना मन के जरिए गरीब परिवार मन के आर्थिक संकट कम होवत हे अऊ ओमन अपन भविष्य ला बेहतर बनाए के दिशा म आगू बढ़त हें।