सेवा संकल्प अभियान: ठिबुल राम ह किसानी ले बढ़इस आमदनी के जरिया, डबरी ले मिलिस नवा-नवा उदीम

CHHATTISGARHI NEWS: सरगुजा, छत्तीसगढ़ म चलत ‘सेवा संकल्प अभियान’ ह गांव के इलाकामन म किसानी अऊ आजीविका के साधन ल मजबूत करे के दिशा म एक बड़का मिसाल पेस करत हे। इही कड़ी म एक प्रेरणादायक कहानी आगू आए हे, जिहाँ लोसगी के पहाड़ी कोरवा किसान ठिबुल राम ह अपन खेत म बने डबरी के पानी के सही उपयोग ले मछली पालन के काम शुरू करके कमाई के एक नवा जरिया तियार कर लेहे हे। पारंपरिक किसानी के संगे-संग मछली पालन अपना के लोसगी के पहाड़ी कोरवा किसान ठिबुल राम साबित कर देहे हे के छोटे संसाधन के घलो सही ढंग ले उपयोग करके कतका बढ़िया लाभ कमाए जा सकथे। डबरी की मेड़ म राहेर के संग वो आमा, मुनगा अउ नींबू लगाए हे, संगेच साग-सब्जी के सिंचाई बर घलो डबरी के पानी काम आवत हे।
डबरी के पानी ह न सिरिफ ओखर खेती-किसानी के काम भर नइ आवत हे, बल्कि मछली पालन के जरिए ओ ल उपरहा आमदनी घलो मिलत हे, जेखर से ओखर परिवार के आर्थिक स्थिति मजबूत होवत हे।
‘सेवा संकल्प अभियान’ के तहत ए प्रकार के पहल ले ग्रामीण मन ल स्वरोजगार के नवा अवसर मिलत हे, अऊ गाँव के आन किसान मन घलो ए दिशा म प्रेरित होत हें। ठिबलू राम के ए सफलता ह बताथे के कहूं लगन अऊ मेहनत के संग सरकारी योजना अऊ संसाधन मन के सही उपयोग करे जाए, त ग्रामीण इलाका म संपन्नता लाये जा सकथे। ए पहल ले किसानी अऊ जल संरक्षण के महत्व घलो बाढ़ गे हे, जे ह पूरा क्षेत्र के किसान मन बर एक अनुकरणीय उदाहरण बन गे हे। ओमन के ए प्रयास ले ग्रामीण अर्थव्यवस्था ल बड़का बढ़ावा मिलत हे अऊ आत्मनिर्भरता के सपना साकार होवत हे।