सेवा सेतु ले बैगा परिवार ला मिलिस अंत्योदय राशन कार्ड

मनेन्द्रगढ़-भरतपुर-चिरमिरी, छत्तीसगढ़ शासन कोति ले नागरिक मन ला शासकीय सेवा मन ला सरल, पारदर्शी अउ समय म उपलब्ध कराए के उद्देश्य ले शुरू करे गय नवा सेवा सेतु पोर्टल के लाभ अब दूर-दराज अउ विशेष रूप ले कमजोर जनजातीय परिवार मन तक घलो असरदार रूप ले पहुँचे लगे हे। इही कड़ी म मनेन्द्रगढ़-भरतपुर-चिरमिरी जिला के जनपद पंचायत भरतपुर के अंतर्गत रहइया राजकली बैगा के परिवार के अंत्योदय राशन कार्ड सेवा सेतु पोर्टल के माध्यम ले सफलतापूर्वक जारी करे गीस।
राजकली बैगा के परिवार कोति ले सेवा सेतु पोर्टल के माध्यम ले अंत्योदय राशन कार्ड बर ऑनलाइन अरजी करे गए रहिस। अरजी के प्रक्रिया पूरा तरीका ले सरल अउ पारदर्शी रहिस अउ तय समय के भीतर सबो जरूरी औपचारिकता पूरा होए के बाद पात्र हितग्राही ला राशन कार्ड जारी कर देहे गीस। एकर से ओमन ला घेरी-बेरी दफ्तर मन के चक्कर लगाए के जरूरत नई परिस अउ पूरा प्रक्रिया जादा सुविधाजनक रहिस। अंत्योदय राशन कार्ड जारी होए के बाद अब परिवार ला सार्वजनिक वितरण प्रणाली (पीडीएस) के अंतर्गत तय खाद्यान्न समेत आन पात्र सुविधा मन के नियम से लाभ मिले लगही। एकर से परिवार के खाद्य सुरक्षा मजबूत होही अउ शासन के जनकल्याणकारी योजना मन के लाभ सीधा पात्र हितग्राही तक पहुँच सकही।
जानबा हे के छत्तीसगढ़ शासन के नवा सेवा सेतु पोर्टल अलग-अलग विभाग मन के कइ शासकीय सेवा मन ला एक एकीकृत डिजिटल मंच म उपलब्ध करावत हे। पोर्टल के माध्यम ले नागरिक मन आसानी ले ऑनलाइन अरजी करके सेवा मन के प्रगति के जानकारी पा सकत हवंय। एकर से अरजी प्रक्रिया जादा सहज होए के संगे-संग सेवा देहे म पारदर्शिता, जवाबदेही अउ समयबद्धता पक्का होवत हे। सेवा सेतु पोर्टल शासन के डिजिटल सुशासन के सोच ला पूरा करे के दिशा म एक महत्वपूर्ण पहल हे। एकर माध्यम ले विशेष रूप ले दूर-दराज के क्षेत्र मन, देहाती अंचल मन अउ वंचित वर्ग मन तक शासकीय योजना मन अउ सेवा मन के पहुँच लगातार मजबूत होवत हे, जेकर से आम नागरिक मन के शासन के ऑनलाइन सेवा मन के प्रति बिस्वास घलो बाढ़त हे।