ग्रामीण क्षेत्र मन म आसान, पारदर्शी अऊ समयबद्ध सेवा ले बाढि़स आमजनता के विश्वास
मोहला-मानपुर-अम्बागढ़ चौकी, मुख्यमंत्री श्री विष्णु देव साय के अगुवाई म छत्तीसगढ़ सरकार कोती ले सुशासन ल जन-जन तक पहुंचाए खातिर संचालित सेवा सेतु योजना ग्रामीण अऊ दूरस्थ क्षेत्र मन के नागरिक मन बर बहुत उपयोगी साबित होवत हे। ए योजना के माध्यम ले शासकीय सेवा ल पहिली ले जादा सरल, पारदर्शी अऊ समयबद्ध बनाय गए हे। सेवा सेतु केंद्र मन म आय, जाति, निवास संग कई ठन प्रमाण पत्र अऊ आन जरूरी शासकीय सेवा के जल्दी लाभ मिले ले आम नागरिक मन ल अब सरकारी दफ्तर मन के घेरी-बेरी चक्कर नइ लगाय परत हे।
निरधारित समय-सीमा म मिलीस आय प्रमाण पत्र
मोहला-मानपुर-अम्बागढ़ चौकी जिला के चौकी रहवइया श्री यशवंत कुम्भकार ह सेवा सेतु केंद्र, चौकी म आय प्रमाण पत्र बर अरजी दे रहिस। अरजी मिले के बाद केंद्र के कर्मचारी मन ह जरूरी प्रक्रिया मन प्राथमिकता के आधार म पूरा करत तय समय-सीमा के भीतर ओखर आय प्रमाण पत्र जारी कर दीन। समय म प्रमाण पत्र मिले ले ओ ल अपन जरूरी शासकीय प्रक्रिया पूरा करे म कोनो प्रकार के कठिनाई के सामना नइ करना परिस।
एके जगा म पूरा होइस सबो औपचारिकता
श्री यशवंत ह बताइस के पहिली छोटे-छोटे शासकीय काम मन बर घलोक कई पइत दफ्तर मन के चक्कर लगाय ल परत रहिस, जेखर से समय अऊ धन दुनों के हानि होत रहिस। सेवा सेतु केंद्र के माध्यम ले एके जगा म सबो जरूरी औपचारिकता पूरा हो गे अऊ बिना कोनो परेशानी के निरधारित समय म आय प्रमाण पत्र मिल गे। वो ह कहिस के ए व्यवस्था आम नागरिक मन के सुविधा अऊ सुशासन के प्रति राज्य सरकार के प्रतिबद्धता के उत्कृष्ट उदाहरण हे।
मुख्यमंत्री के प्रति जताइस आभार
श्री कुम्भकार ह मुख्यमंत्री श्री विष्णु देव साय अऊ छत्तीसगढ़ सरकार के प्रति आभार व्यक्त करत कहिस के सेवा सेतु योजना ह ग्रामीण क्षेत्र मन म रहवइया मनखे मन बर शासकीय सेवा ल सहज, सुलभ अऊ भरोसेमंद बना देहे हे। एखर से समय अऊ संसाधन मन के बचत होए के संगे-संग शासन के प्रति मनखे मन के भरोसा घलोक मजबूत होए हे।