रायपुर, 13 मई 2020/ राज्य शासन ह बस्तर अंचल के पांच सिंचाई योजना बर 7 करोड़ 36 लाख 10 हजार एक सौ रूपिया अउ राजनांदगांव जिला के दू सिंचाई योजना बर 5 करोड़ 3 लाख 39 हजार रूपिया के राशि स्वीकृत करे हे।
विभाग ले मिले जानकारी के मुताबिक स्वीकृत सिंचाई योजना मन के अंतर्गत बस्तर जिला के विकासखण्ड बस्तर के देवड़ा जलाशय के बांध के कई काम मन बर एक करोड़ 29 लाख 40 हजार रूपिया सामिल हे, ए परियोजना मन के पूरा हो जाय म 70 हेक्टेयर क्षेत्र म अकतहा सिंचाई सुविधा हो जाही। बस्तर जिला के ही विकासखण्ड बस्तर के बालेंगा जलाशय के बांध के काम बर एक करोड़ 20 लाख 41 हजार एक सौ रूपिया स्वीकृत करे गए हे। प्रस्तावित ए काम मन के पूरा होए म 63 हेक्टेयर क्षेत्र म सिंचाई प्रस्तावित हे। कोण्डागांव जिला के विकासखण्ड माकड़ी के ओडेण्टा एनीकट निर्माण काम बर एक करोड़ 36 लाख 41 हजार रूपिया स्वीकृत करे गए हे, काम के पूरा हो जाय म निस्तारी, पेयजल, भू-जल संवर्धन अऊ क्षेत्रीय किसान मन से अपन के साधन ले लगभग 110 हेक्टेयर क्षेत्र म सिंचाई प्रस्तावित हे। ऐसनहे जिला के माकड़ी विकासखण्ड के जरण्डी एनीकट निर्माण काम बर एक करोड़ 99 लाख 89 हजार रूपिया स्वीकृत करे गए हे, एनीकट निर्माण काम पूरा होए म क्षेत्र म निस्तारी, पेयजल, भू-जल संवर्धन अऊ क्षेत्रीय किसान मन से अपन साधन मन ले 90 हेक्टेयर क्षेत्र म सिंचाई सुविधा मिल सकही। माकड़ी विकासखण्ड के ही मार्कडीय नदी म अनंतपुर स्टापडेम निर्माण काम बर एक करोड़ 49 लाख 99 हजार रूपिया स्वीकृत करे गए हे। काम पूरा होए म क्षेत्र म निस्तारी, पेयजल, भू-जल संवर्धन अऊ क्षेत्रीय किसान मन से अपन साधन ले लगभग 50 हेक्टेयर क्षेत्र म सिंचाई सुविधा मिलही।
ऐसनहे राजनांदगांव जिला के छुरिया विकासखंड के मासूलजोब जलाशय नहर लाईनिंग काम बर 2 करोड़ 93 लाख 65 हजार रूपिया अऊ अंबागढ़ चौकी भर्रीटोला जलाशय नहर लाईनिंग काम बर 2 करोड़ 9 लाख 74 हजार रूपिया के स्वीकृति देहे गए हे। दुनों काम मन के पूरा होए म क्षेत्र म निस्तारी, पेयजल, भू-जल संवर्धन अऊ क्षेत्रीय किसान मन से अपन साधन मन ले लगभग 847.80 हेक्टेयर क्षेत्र म सिंचाई सुविधा मिलही। जल संसाधन विभाग मंत्रालय महानदी भवन ले ए आशय के पत्र जारी करके अधिकारी मन ल निर्माण काम म जादा गुणवत्ता सुनिश्चित करे के निर्देश देहे गए हे।