जगदलपुर, 13 सितंबर 2024। वन अउ जलवायु बदलाव मंत्री श्री केदार कश्यप के निर्देश म राज्य म वन्य अपराध म संलिप्त मनखे मन उपर कड़क कार्यवाही करे जात हे। इही कड़ी म वन विभाग बस्तर वनमण्डल ले अलग-अलग परिक्षेत्र म लकड़ी के अवैध परिवहन म संघरे कई प्रकार के 07 वाहन ल राजसात करे गीस। राजसात के कार्यवाही के विधिवत सुनवाई के बाद प्राधिकृत अधिकारी अउ उप वनमण्डलाधिकारी जगदलपुर ह शासन के पक्ष म राजसात करे संबंधी आदेश पारित करिस। राजसात करे गये वाहन मन म 01 मोटर सायकल, 02 पिकअप वाहन, 01 बोलेरो वाहन, 01 स्कार्पियो वाहन, 01 तवेरा वाहन अउ 01 इनोवा वाहन सामिल हे, जेन अवैध रूप ले कुल 3.245 घन मीटर काष्ठ परिवहन म संलिप्त पाये गये हे। ये सबो वाहन 30 दिन के अपील अवधि म वाहन मालिक ले अपील नइ करे जाय के सेती अंतिम रूप ले शासन के पक्ष म राजसात करे गीस। ये कार्यवाही भारतीय वन अधिनियम 1927 अउ छत्तीसगढ़ वनोपज व्यापार (विनियमन) अधिनियम 1969 के कई ठन धारा मन के तहत करे गीस।
उप वनमण्डलाधिकारी जगदलपुर श्री देवलाल दुग्गा ह बताइस के वन अपराध म संघरे गाछ़ी मन के राजसात के कार्यवाही करे ले लकड़ी तस्कर मन म हड़कम्प मचे हे। हमार वन अमला ह वन प्रबंधन समिति मन के माध्यम ले वन अपराध के रोकथाम बर मनखे मन ल जागरूक करत हे। संगेच वन अपराध के दृष्टि ले संवेदनशील क्षेत्र मन म मुखबीर रखे गये हे, जेन वन अपराध के सूचना तुरंत वनकर्मी ल देवत हे, अइसन मनखे के पहिचान ल गोपनीय रखत विभाग म निरधारित पुरस्कार राशि देहे के प्रावधान हे।
बस्तर वनमण्डल के वनमण्डलाधिकारी श्री उत्तम कुमार गुप्ता ह बताइस कि वनमंत्री श्री केदार कश्यप के निर्देशानुसार अउ मुख्य वन संरक्षक श्री आर.सी. दुग्गा के मार्गदर्शन म वन अउ वन्यप्राणी अपराध म लिप्त आरोपी मन के विरूद्ध सरलग कार्यवाही करे जात हे। अधीनस्थ वन अमला ल वन अपराध म लिप्त आरोपी मन के विरूद्ध कड़क कार्यवाही करे के निर्देश देहे के संग जम्मो उप वनमण्डलाधिकारी मन ल वन अपराध म लिप्त वाहन ल विधि अनुसार जल्दी कार्यवाही करत राजसात करे के कार्यवाही के निर्देश देहे गये हे।
