रायपुर, मुख्यमंत्री श्री भूपेश बघेल ह अमर शहीद गैंदसिंह के शहादत दिवस म आज अपन निवास कार्यालय म ऊंखर फोटू म फुल चढ़ा के ओ मन ल नमन करिन।
श्री बघेल ह छत्तीसगढ़ म आजादी के बिगुल फूंकइया अमर शहीद गैंद सिंह के सुरता करत कहिन कि उमन सन् 1857 म देश के पहिली स्वतंत्रता संग्राम ले काफी पहिलीच अंग्रेज मन के गुलामी अऊ शोषण के विरूद्ध अवाज उठाए रहिन। बस्तर के अबूझमाड़िया भाई-बहिनी मन के अधिकार बर संघर्ष करइया नेतृत्वकर्ता जमींदार गैंदसिंह ल 20 जनवरी सन् 1825 के परलकोट के महल के आगू फांसी देहे गए रहिस। मुख्यमंत्री श्री बघेल ह कहिन कि बस्तर के अबूझमाड़ म क्रांति के मशाल जलाने वाले वीर सपूत शहीद गैंदसिंह ल छत्तीसगढ़ संग पूरा देश नमन करत हे। उंखर बलिदान युगों तक याद करे जाही।
मुख्यमंत्री श्री भूपेश बघेल ह अमर शहीद गैंदसिंह के शहादत दिवस म ओ मन ल करिन नमन
