कांकेर , 19 जून 2020। कांकेर जिला के चारामा विकासखण्ड अंतर्गत ग्राम पंचायत कुरूटोला के आश्रित ग्राम गिधाली निवासी भारतीय सेना के जाबॉज सिपाही गणेश राम कुंजाम ह गलवान घाटी म चीन के सैनिक मन के संग होए झड़प म शहीद हो गये रहिन, ऊंखर गृह ग्राम म पूरा राजकीय सम्मान के संग उंकर अंतिम संस्कार करे गीस। ये बेरा म छत्तीसगढ़ विधानसभा के उपाध्यक्ष श्री मनोज सिंह मण्डावी, कांकेर जिला के प्रभारी मंत्री गुरू रूद्र कुमार, सांसद श्री मोहन मण्डावी, विधायक कोण्डागांव श्री मोहन मरकाम, विधायक कांकेर श्री शिशुपाल शोरी, विधायक अंतागढ़ श्री अनूप नाग, जिला पंचायत के अध्यक्ष श्री हेमंत कुमार धु्रव, डीआईजी डॉ. संजीव शुक्ला, जंगलवार कॉलेज कांकेर के ब्रिगेडियर श्री बी.के. पोनवार, कलेक्टर श्री के.एल. चौहान, पुलिस अधीक्षक श्री एम.आर. आहिरे संग सेना के अधिकारी मन अउ जवान मन, जनप्रतिनिधि मन अऊ आम नागरिक मन कोति ले श्रद्धासुमन अउ पुष्पचक्र अर्पित करके श्रद्धांजलि देहे गीस। ये बेरा म आसपास के गांव मन के ग्रामीणजन मन तको मौजूद रहिन।
शहीद गणेश राम कुंजाम के राजकीय सम्मान के संग देहे गीस अंतिम बिदाई : जनप्रतिनिधि मन अउ अधिकारी मन ह दीन भावभीनी श्रद्धांजलि
