मुख्यमंत्री ह शहीद विद्याचरण शुक्ल ल उंखर जयंती म करिन सुरता

रायपुर, मुख्यमंत्री श्री भूपेश बघेल ह पूर्व केन्द्रीय मंत्री शहीद विद्याचरण शुक्ल के 2 अगस्त के जयंती म उमन ल नमन करे हें। श्री बघेल ह श्री विद्याचरण शुक्ल के सुरता करत कहिन कि कुशल राजनेता अऊ प्रशासक के रूप म विद्याचरण जी जाने जाथें। उमन केन्द्रीय मंत्री के रूप म कई साल तक छत्तीसगढ़ के प्रतिनिधित्व करिन। भारत सरकार के मंत्री के रूप म उमन संचार, गृह, रक्षा, वित्त, योजना, विदेश, संसदीय काम मंत्रालय मन के महत्वपूर्ण जिम्मेदारी संभालीन। केन्द्रीय मंत्री के रूप म विद्याचरण जी ह देश के संगें-संग छत्तीसगढ़ के विकास के रद्दा घलोक चतवारिन। झीरम घाटी नक्सली हमला म विद्याचरण जी के शहादत छत्तीसगढ़ कभू भुला नइ पावय। छत्तीसगढ़ बर ऊंखर योगदान ल हमेशा याद करे जाही।