बलौदाबाजार, भेंट मुलाकात कार्यक्रम के तहत प्रदेश के मुख्यमंत्री श्री भूपेश बघेल आज बलौदाबाजार जिला के बिलाईगढ़ विधानसभा क्षेत्र म स्थित ग्राम सोनाखान पहुंचिन, जिहां उमन छत्तीसगढ़ के शहीद वीरनारायण सिंह के स्मृति म बनाय गए इको टूरिज्म सर्किट अउ म्यूजियम के शुभारम्भ करिन। सोनाखान के कुर्रूपाठ के घना जंगल म प्रकृति के बीच ये कलाकृति ल आकार देहे गए हे। ये प्रदेश म अपन जइसे पहिली अइसे म्यूज़ियम हे, जिहां ऑडियो- विजुअल सेटअप अऊ एक विशेष धातु कॉर्टेन स्टील के माध्यम ले शहीद वीर नारायण सिंह के जीवनी ल प्रदर्शित करे गए हे।
सन 1857 के स्वतंत्रता संग्राम म ब्रिटिश हुकूमत के खिलाफ मोर्चा खोलइया शहीद वीरनारायण सिंह के गौरव गाथा ल प्रदर्शित करे बर एक विशेष प्रकार के कॉर्टेन स्टील के परयोग करे गए हे। बताए गीस कि कॉर्टेन स्टील एक प्रकार के अइसन मेटल हे, जेमां पहिली ले जंग के एक परत लगे होथे। खास बात ये हे कि ये धातु प्रकृति ल हानि नइ पहुँचाए। कुर्रूपाठ पहाड़ के हरियाली के बीच एखर नयनाभिराम सुंदरता देखतेच बनत हे।
कॉर्टेन स्टील के बने लम्बा अऊ सुंदर पैनल्स म शहीद वीर नारायण सिंह के जीवनी उकेरे गए हे, जेखर अवलोकन दिन के उजाला के संग रात म घलोक देखे जा सकत हे। लाइट के अद्भुत सेटअप एला खास अऊ अलग बनाथे। सबो पैनल एक ऑडियो सेटअप के संग हे जिहां सोनाखान के पराक्रमी शहीद वीर नारायण सिंह के जन्म ले लेके क्रांति अऊ बलिदान ल सुने जा सकथे हे। ये ऑडियो हिंदी, अंग्रेज़ी अऊ छत्तीसगढ़ी भाखा म हे। पर्यटक अपन पसंद मुताबिक ऑडियो के भाखा के चयन कर सकत हें।
मुख्यमंत्री श्री भूपेश बघेल ह करिन शहीद वीरनारायण सिंह इको टूरिज्म सर्किट के लोकार्पण
