शहीद भरत लाल साहू के पार्थिव शरीर ल सड्डू लाए गीस : हमार जवान मन के शहादत अबिरथा नइ जाए – श्री साय

रायपुर, 19 जुलाई 2024। मुख्यमंश्री विष्णुदेव साय अऊ उपमुख्यमंत्री विजय शर्मा ह आज चौथइया बटालियन माना पहुंचके  बीजापुर जिला के तर्रेम म माओवादी मन के आईईडी ब्लास्ट म शहीद होए जवान भरत लाल साहू के पार्थिव शरीर म पुष्पचक्र अर्पित करके श्रद्धांजलि देहे हें। मुख्यमंत्री अऊ उपमुख्यमंत्री ह शहीद जवान के पार्थिव शरीर ल खांधा देके ससम्मान रायपुर के सड्डू बर रवाना करिन। मुख्यमंत्री विष्णुदेव साय ह ए मौका म कहिन के बीजापुर जिला के तर्रेम म होए आइईडी ब्लास्ट म हमार वीर जवान मन ह अपन सर्वोच्च बलिदान देहे हें। हमर सरकार बनतेच हमन माओवादि मन के खिलाफ अपन लड़ाई तेज कर देहे हन अऊ हम निर्णायक लड़ाई लड़त हन। मुख्यमंत्री ह कहिन के हमार जवान मन के शहादत अबिरथा नइ जाए। मुख्यमंत्री साय ह ए बेरा म शहीद जवान भरत लाल साहू के परिजन ले मुलाकात करके ओ मन ल ढांढस बंधाइन। जानबा हे कि एसटीएफ के शहीद आरक्षक भरत लाल साहू रायपुर जिला के ये। पाछू 17 जुलाई के बीजापुर जिला के तर्रेम म एसटीएफ के बल नक्सल विरोधी अभियान बर रवाना होए रहिस। अभियान के समय माओवादि मन के लगाए आईईडी ब्लास्ट म सुरक्षाबल के दू जवान शहीद अऊ 4 जवान घायल हो गए रहिन।