दुख के घड़ी म पूरा छत्तीसगढ़ शहीद जवान के परिवार के संग हे – मुख्यमंत्री श्री साय

उपमुख्यमंत्री श्री विजय शर्मा ह शहीद कमलेश साहू के परिजन ले मिलके बंधाइस ढांढस, शहीद जवान ल अर्पित करिस श्रद्धांजलि

रायपुर, 14 दिसंबर 2023। मुख्यमंत्री श्री विष्णु देव साय ह नारायणपुर जिला म होए आईईडी ब्लास्ट म सक्ती जिला के हसौद निवासी शहीद जवान श्री कमलेश साहू ल नमन करके श्रद्धासुमन अर्पित करे हें। मुख्यमंत्री ह शहीद जवान के परिजन के प्रति अपन संवेदना व्यक्त करत कहिन कि ये दुख के घड़ी म पूरा छत्तीसगढ़ ऊंखर परिजन के संग हे। श्री कमलेश साहू ह आदम्य साहस के परिचय देवत वीरगति प्राप्त करे हे।

उपमुख्यमंत्री श्री विजय शर्मा ह शहीद कमलेश साहू के परिजनों ले मिलकर बंधाया
उपमुख्यमंत्री श्री विजय शर्मा ह आज सक्ती जिला के हसौद पहुंचकर शहीद श्री कमलेश साहू ल श्रद्धांजलि अर्पित करिन अऊ परिजन ले मिलके ओ मन ल सांत्वना दीन। उमन शहीद के पिता श्री मुंगेश्वर साहू ल गले लगाके ओ मन ल ढांढस बंधाइन। श्री शर्मा ह शहीद कमलेश के माता श्रीमती तारा देवी साहू, पत्नी श्रीमती वृंदाबाई साहू, शहीद के बड़े बहिनी श्रीमती कमलेश्वरी साहू अऊ छोटे भाई श्री यशवंत साहू संग परिजन ले घलोक मुलाकात करिनअऊ सांत्वना दीन। उमन कहिन कि शहीद श्री कमलेश साहू ह देश के सेवा करत वीरगति प्राप्त करे हे, उंखर शहादत ल नमन हे। विधायक श्री केदार कश्यप, जैजैपुर विधायक श्री बालेश्वर साहू, चंद्रपुर विधायक श्री रामकुमार यादव संग कई जनप्रतिनिधि मन ह घलोक हसौद पहुंचके शहीद श्री कमलेश ल श्रद्धांजलि दीन। ये बेरा म सक्ती के कलेक्टर श्रीमती नूपुर राशि पन्ना, पुलिस अधीक्षक श्री एम. आर आहिरे संग बड़ संख्या म नागरिक मन ह घलोक शहीद जवान ल श्रद्धांजलि अर्पित करिन