शहीद दिवस: मुख्यमंत्री ह महात्मा गांधी संग अमर शहीद मन ल करिन नमन
रायपुर, 29 जनवरी 2020। मुख्यमंत्री श्री भूपेश बघेल ह महात्मा गांधी के पुण्यतिथि 30 जनवरी शहीद दिवस के अवसर म गांधी जी अऊ देश के अमर शहीद मन के बलिदान ल नमन करे हें। श्री बधेल ह अमर शहीद मन के प्रति श्रद्धाजलि अर्पित करत कहिन हे कि शहादत अमूल्य होथे, देश म प्राण न्यौछावर करइया शहीद मन के करजा कभू नइ चुकाए जा सकय।
श्री बघेल ह कहिन कि महात्मा गांधी ह देश म शांति अऊ भाईचारा बनाए रखे बर हमेशा उदीम करिन। बापू के देखाय रद्दा म चलके हम देश म समरसता अऊ भाई-चार बनाए रख सकत हवन। राज्य सरकार घलोक गांधी जी के देखाय गए रद्दा म चलत ग्राम स्वराज के लक्ष्य ल साधे बर काम करत हे। मुख्यमंत्री ह कहिन कि शहीद मन ल सच्चा श्रद्धांजलि तब होही जब हम अपन देश के अखण्डता, स्वतंत्रता, शांति अऊ तरक्की बनाए रखे बर सच्चा मन ले योगदान देबोन।
