सामाजिक उद्यमिता बर एशिया के सबले बड़े सीएसआर अवार्ड जे.एस.पी.एल. फाउंडेशन, को-चेयरपर्सन शालू जिन्दल ल

सुप्रसिद्ध कुचिपुड़ी नृत्य विदूषी अऊ जेएसपीएल फाउंडेशन के सह-अध्यक्ष शालू जिन्दल ल सामाजिक उद्यमिता बर सीएमओ एशिया के श्रेष्ठ सीएसआर-2019 अवार्ड प्रदान करे गीस

नई दिल्ली, जिन्दल हाउस दिल्ली, जेएसपीएल फाउंडेशन के को-चेयरपर्सन श्रीमती शालू जिन्दल ल ये अवार्ड सिंगापुर म आयोजित विशेष समारोह म काल देहे गीस। उद्योग अऊ समाज के संतुलित विकास के सिद्धांत के प्रबल पक्षधर श्रीमती जिन्दल के कहना हे कि जेएसपीएल फाउंडेशन “बिल्डिंग इंडिया-एम्पावरिंग लाइव्स” के सपना साकार करे बर पूरा समर्पण भाव ले काम करत हे। उमन ए अवार्ड बर जेएसपीएल फाउंडेशन के चयन बर ज्यूरी मेंबर मन के आभार जताइन अऊ फाउंडेशन के समर्पित टीम के घलोक हौसला अफजाई करिन।

श्रीमती जिन्दल ह अवार्ड पाए के बेरा म कहिन कि ये जेएसपीएल फाउंडेशन बर गौरव के पल हे। फाउंडेशन ह अपन सीएसआर गतिविधि के माध्यम ले समाज के विकास म योगदान करे के हरसंभव उदीम करे हे। हम आप ल बता देवन कि श्रीमती शालू जिन्दल कुचिपुड़ी के अंतरराष्ट्रीय विशेषज्ञ पद्म भूषण गुरु राजा अउ राधा रेड्डी के शिष्या ये। श्रीमती जिन्दल ह कुचिपुड़ी नृत्य के विकास म अंतरराष्ट्रीय स्तर म महत्वपूर्ण योगदान करे हे। ओ मन ल भारतीय शास्त्रीय नृत्य (कुचिपुड़ी), कला-संस्कृति, शिक्षा अऊ सामुदायिक विकास म उल्लेखनीय उपलब्धी मन बर बहुत अकन पुरस्कार ले सम्मानित करे गए हे।

एखर अलावा उमन “तिरंगा एंड फ्रीडम” नामक पुस्तक के संकलन करे हें। उमन नेशनल बाल भवन के चेयरपर्सन के जिम्मेदारी निभात लइका मन बर “इंडियाः ऐन अल्फाबेट राइड” नाम के पुस्तक के रचना करे हें। उमन यंग फिक्की लेडीज ऑर्गेनाइजेशन अऊ जिन्दल आर्ट इंस्टीट्यूट के संस्थापक अध्यक्ष घलोक हें। जेएसपीएल फाउंडेशन ह श्रीमती शालू जिन्दल के मार्गदर्शन म कृषि, गैर-कृषि अउ आन क्षेत्र मन म 7000 ले जादा छोटे उद्यम मन ल बढ़ावा देहे हें। लगभग 3000 परिवार बर स्थायी आजीविका संसाधन मन के इंतजाम करे के संगे-संग 40 हजार परिवार बर रोजगार के व्यवस्था कराए म घलोक जेएसपीएल फाउंडेशन ह अहम भूमिका अदा करे हे। श्रीमती जिन्दल ह करीबन 2 करोड़ मनखे मन म भरोसा के जोत जगाए हें अऊ शिक्षा-स्वास्थ्य अउ जीवन निर्माण के कई ठन क्षेत्र मन म ओ मन ल प्रोत्साहित करे हें। श्रीमती शालू जिन्दल ल एशिया के सर्वश्रेष्ठ सीएसआर अवार्ड मिले म कुरुक्षेत्र के पहिली सांसद श्री नवीन जिन्दल के नेतृत्व वाले कंपनी जेएसपीएल के पूरा टीम खुद ल गौरवान्वित महसूस करत हे।

Jindal House Delhi, Mrs. Shalu Jindal, Co-Chairperson of JSPL Foundation, Building India-Empowering Lives, Indian classical dance, Kuchipudi, Tricolor and Freedom, India: An Alphabet Ride, National Bal Bhavan, Founding chairperson of the Young FICCI Ladies Organization and Jindal Art Institute, Naveen Jindal, Best CSR Award,

लउछरहा..