राज्यपाल सुश्री उइके ल ‘आइना ए छत्तीसगढ़’ पुस्तक भेंट

रायपुर, राज्यपाल सुश्री अनुसुईया उइके ल राजभवन म वरिष्ठ पत्रकार अऊ लेखक श्री शंकर पांडेय ह अपन पुस्तक ‘आइना ए छत्तीसगढ़’ के प्रति भेंट करिन।
राज्यपाल सुश्री उइके ले श्री पांडेय ह अपन 42 साल के पत्रकारिता के अनुभव साझा करिन। उमन बताइन कि ‘आईना-ए-छत्तीसगढ़’ नाम ले उंखर कॉलम नियमित रूप ले करीबन 15 साल ले प्रकाशित होत रहे हे, जेमें ले चुनिंदा कॉलम मन ल अब पुस्तक के रूप म संकलित करे गए हे। ए कॉलम मन म छत्तीसगढ़ के इतिहास, संस्कृति, पुरातत्त्व, सामाजिक घटनाक्रम मन संग छत्तीसगढ़ के समसामयिक मुद्दा के समावेश करे गए हे। एखर पहिली उंखर ‘इतिहास के आइने म छत्तीसगढ़’, छत्तीसगढ़ के राजवंश, छत्तीसगढ़ के पुरातन पुरोधा, छत्तीसगढ के राजनीति पुस्तक प्रकाशित हो गए हे।
राज्यपाल ह श्री पाण्डेय के शाल अउ स्मृति चिन्ह प्रदान करके सम्मान करिन। ये बेरा म श्रीमती स्वप्निल तिवारी अउ स्नेहा पांडे घलोक उपस्थित रहिन।