रायपुर, 18 सितंबर 2024। मुख्यमंत्री श्री विष्णु देव साय ह पहिली भारतीय स्वतन्त्रता संग्राम के अमर बलिदानी गोंड राजा श्री शंकर शाह अऊ ऊंखर बेटा श्री कुंवर रघुनाथ शाह के 18 सितंबर के पुण्यतिथि म ओ मन ल नमन करिन। श्री साय ह ओ मन ल श्रद्धांजलि अर्पित करत कहिन के राजा शंकर शाह अऊ रघुनाथ शाह जी ह अंग्रेज मन के अत्याचार अऊ गुलामी के विरुद्ध अवाज उठाईन अऊ अपन बलिदान देके मध्य भारत म आजादी के अलख जगाईन। श्री साय ह कहिन कि राजा शंकर शाह अऊ रघुनाथ शाह के बलिदान ल कभू नइ भुलाए जा सकय। उंखर अमर बलिदान गाथा चिरकाल तक भारतीय ल गर्व, गौरव अऊ स्वाभिमान के अनुभूति करात रइही।
मुख्यमंत्री ह गोंड राजा शंकर शाह अऊ ऊंखर बेटा कुंवर रघुनाथ शाह के बलिदान ल करिन नमन
