प्रधानमंत्री श्री नरेन्द्र मोदी के गरिमामय उपस्थिति म श्री विष्णु देव साय ह लीन छत्तीसगढ़ के मुख्यमंत्री के पद अउ गोपनीयता के शपथ

राज्यपाल श्री विश्वभूषण हरिचंदन ह दिलाई शपथ
विशाल जनसमूह के बीच संभाली राज्य के बागडोर
श्री अरूण साव अउर श्री विजय शर्मा ह ली उप मुख्यमंत्री पद के शपथ
रायपुर, 13 दिसम्बर 2023

प्रधानमंत्री श्री नरेन्द्र मोदी के गरिमामय उपस्थिति म छत्तीसगढ़ के मुख्यमंत्री श्री विष्णु देव साय ल राज्यपाल श्री विश्वभूषण हरिचंदन ह पद अउ गोपनीयता के शपथ देवाईन। राजधानी रायपुर के साइंस कॉलेज मैदान म आयोजित शपथ ग्रहण समारोह म केन्द्रीय गृह मंत्री श्री अमित शाह, केन्द्रीय परिवहन मंत्री श्री नितिन गडकरी, केन्द्रीय सामाजिक न्याय राज्य मंत्री श्री रामदास अठावले, राज्यसभा सांसद श्री जे.पी. नड्डा, उत्तर प्रदेश के मुख्यमंत्री श्री योगी आदित्यनाथ, असम के मुख्यमंत्री श्री हिमंता बिस्वा सरमा, उत्तराखण्ड के मुख्यमंत्री श्री पुष्कर सिंह धामी, गोवा के मुख्यमंत्री श्री प्रमोद सावंत, त्रिपुरा के मुख्यमंत्री श्री माणिक साहा विशेष रूप ले मौजूद रहिन। मुख्यमंत्री श्री विष्णु देव साय अउ उप मुख्यमंत्री द्वय श्री अरूण साव, श्री विजय शर्मा ह ईश्वर के नाम ले पद अउ गोपनीयता के शपथ हिन्दी म लीन।
राज्यपाल श्री श्री विश्वभूषण हरिचंदन ह ये मौका म छत्तीसगढ़ के उप मुख्यमंत्री के रूप म श्री अरूण साव अउ श्री विजय शर्मा ल पद अउ गोपनीयता के शपथ देवाईन। कार्यक्रम म पूर्व मुख्यमंत्री डॉ. रमन सिंह अउ श्री भूपेश बघेल, पूर्व उप मुख्यमंत्री श्री टी.एस. सिंहदेव, पूर्व सांसद श्री ओम माथुर संग नवनिर्वाचित विधायक, बहुत अकन जनप्रतिनिधि अउर प्रदेशभर ले आए अड़बड़ संख्या म मनखे उपस्थित रहिन। कार्यक्रम के संचालन मुख्य सचिव श्री अमिताभ जैन ह करिस।
देखव शपथ ग्रहण समारोह के लाईव वीडियो-