सौंदर्यीकरण के काम मन म तेजी लाय के दीन निर्देश
रायपुर, 11 जुलाई 2020। नगरीय प्रशासन अऊ श्रम मंत्री डॉ.शिव कुमार डहरिया ह गुरु घासीदास वार्ड नंबर 49 के शताब्दी नगर तेलीबांधा स्थित डाबरी तालाब म चलत गहरीकरण के काम मन के निरीक्षण करिन। उमन डबरी तालाब अऊ मुक्तिधाम के सौंदर्यीकरण के काम ल जल्दी शुरू करवाए के हुकुम दीन। जानबा हे के स्मार्ट सिटी परियोजना के तहत शताब्दी तालाब के गहरीकरण अऊ सौंदर्यीकरण के काम करे जात हे। उहें डबरी तालाब पार म बसे परिवार के व्यवस्थापन के काम अभी हाल प्रगति के समीक्षा करिन। अधिकारी मन ह बताइन के अब तक डबरीपार ले लाभांडी के एएचपी मकान मन म आधा ले जादा परिवार मन के व्यवस्थापन नगर निगम कोति ले करे जा चुके हे। ये मौका म जोन 10 कमिश्नर श्री अरुण साहू उपस्थित रहिन।
