करेंट फइले ले रोकिस अऊ मनखे मन के जान बचाईस शौर्य प्रताप चंद्राकर ह

धमतरी, ये घटना 13 जून 2021 के हे। बिहनिया करीबन 11.00 ग्राम सेनचुवा, पोस्ट- छाती, जिला- धमतरी निवासी भूषण चंद्राकर, महेन्द्र तारक, परसराम साहू, योगेश्वर साहू, डोमन पटेल, विजय सबो मन खेत म साफ-सफाई अऊ जरूरी काम करत रहिन। इही बेरा म खेत ले गुजरइया बिजली के तार खेत म स्थित बबूल के पेड ले टकराइस अऊ आगी लग गे, पेड के डारा मन बरे लगिस। तभे बालक शौर्य प्रताप चंद्राकर अपन पिताजी भूषण चंद्राकर के संग खेत देखे गए रहिस। शौर्य आगी जलत देखके सबो ल खेत ले निकलने बर जोर-जोर से चिल्लाए लागिस अऊ लउहे लाइन मेन सुरेन्द्र धु्रव ल बिजली ऑफिस छाती म फोन करके विद्युत पावर ल बंद करे ल कहिस। विद्युत पावर के बंद होए ले एक बहुत बड़ हादसा टल गे। खेत म पानी भरे रहिस। पानी के सेती विद्युत करंट फइल सकत रहिस। बालक शौर्य प्रताप चंद्राकर के सूझबूझ अऊ दूरदर्शिता ले उहां उपस्थित सबो मनखे मन के जान बच गे। स्थानीय मनखे मन ह शौर्य के ये साहसिक काम ल सहराइन।