राष्ट्र अउ समाज के निर्माण में शिक्षक मन के महत्वपूर्ण भूमिका – श्री भूपेश बघेल
राजभवन में राज्य स्तरीय शिक्षक सम्मान समारोह आयोजित
रायपुर, 05 सितंबर 2023
शिक्षक दिवस के अवसर म आज राज्यपाल श्री विश्वभूषण हरिचंदन अउ मुख्यमंत्री श्री भूपेश बघेल ह उत्कृष्ट शिक्षक मन ल राज्य स्तरीय सम्मान प्रदान करिस। ए अवसर म राज्यपाल श्री विश्वभूषण हरिचंदन ह कहिस कि हमार शिक्षक मन के संकल्प अउ समर्पण छत्तीसगढ़ राज्य ल शिक्षा के क्षेत्र में नवा आयाम स्थापित करे में मददगार सिद्ध होइस हे। मुख्यमंत्री श्री भूपेश बघेल ह कहिस कि राष्ट्र अउ समाज के निर्माण में शिक्षक मन के महत्वपूर्ण भूमिका हे।
राजभवन के दरबार हॉल में शिक्षक दिवस के अवसर म राज्य स्तरीय शिक्षक सम्मान समारोह के आयोजन करे गइस। जेमा चार झन उत्कृष्ट शिक्षक मन ल रायपुर जिला के सुश्री ममता अहार प्रधानपाठिका ल डॉ. पदुमलाल पुन्नालाल बख्शी स्मृति पुरस्कार, कोण्डागांव जिला के श्रीमती मधु तिवारी प्रधान अध्यापिका ल डॉ. मुकुटधर पाण्डेय स्मृति पुरस्कार, रायगढ़ जिला के श्रीमती राश्मि वर्मा व्याख्याता ल डॉ. बलदेव प्रसाद मिश्र स्मृति पुरस्कार अउ खैरागढ़-छुईखदान-गंडई जिला ले श्रीमती इंदिरा चंद्रवंशी शिक्षक एल.बी. ल श्री गजानन माधव मुक्तिबोध स्मृति पुरस्कार ले सम्मानित करे गइस। ए तरह प्रधान पाठक व्याख्याता, उच्च क्षेणी शिक्षक, शिक्षक, शिक्षक एल. बी. अउ सहायक शिक्षक एल. बी., वर्ग के 48 उत्कृष्ट शिक्षक मन ल वर्ष 2022-23 ब राज्य स्तरीय पुरस्कार से सम्मानित करे गइस।
