रायपुर, 3 मार्च 2020। प्रदेश म संविलियन ले वंचित शिक्षाकर्मी मन जिंकर संख्या करीबन सोला हजार के आसपास हे। ओ मन अड़बड़ बेरा ले अपन संविलियन के रद्दा देखत रहिन, फेर जइसे के शिक्षाकर्मी मन ल भरोसा रहिस वइसनेच सरकार ह बजट पेश करके होली ले पहिली दीवाली मनाए के मौका शिक्षाकर्मी मन ल दे देहे हे। मुख्यमंत्री श्री भूपेश बघेल कोति ले आज प्रस्तुत बजट म शिक्षाकर्मी मन के संविलियन के घोषणा के बाद प्रदेश के शिक्षाकर्मी मन म खुशी के लहर दौड़ गीस। उमन विधानसभा पहुंचके बजट के ठीक बाद मुख्यमंत्री श्री भूपेश बघेल, स्कूल शिक्षा मंत्री डॉ. प्रेमसाय सिंह टेकाम अऊ पंचायत मंत्री श्री टी.एस. सिंहदेव के एखर बर उंखर आभार जताइन।
शिक्षाकर्मी मन के होली ले पहिली दीवाली : मुख्यमंत्री के व्यक्त करिन आभार
