रायपुर/ मुख्यमंत्री श्री विष्णु देव साय ले काली मुख्यमंत्री निवास कार्यालय म पर्यावरण संरक्षण के क्षेत्र म उल्लेखनीय योगदान देवइया “वॉटर वुमन” के नाम ले विख्यात शिप्रा पाठक ह सौजन्य भेंट करिस। ए बेरा म मुख्यमंत्री श्री साय ह शिप्रा पाठक के पर्यावरण संरक्षण अऊ विशेष रूप ले सिंदूर पौधरोपण ल जन-जन तक पहुंचाए म ऊंखर महत्वपूर्ण योगदान के सराहना करिन। उमन शिप्रा पाठक ल शॉल अऊ स्मृति चिन्ह भेंट करके सम्मानित करिन।
जानबा हे के शिप्रा पाठक ह पर्यावरण संरक्षण के प्रति अपन प्रतिबद्धता अऊ समाज म जागरूकता फैलाय बर जेन काम करे हे तेन समाज म ऊंखर व्यापक स्तर म पहिचान बनाए हे। ऊंखर अगुवाई म पौधरोपण अभियान ह न केवल पर्यावरण संरक्षण ल बढ़ावा देहे हे, बल्कि आम मनखे मन ल पेड़ लगाय अऊ पर्यावरण के प्रति जिम्मेदारी निभाए बर प्रेरित घलोक करे हे। एखर बेरा म बाबासाहेब भीमराव अंबेडकर केंद्रीय विश्वविद्यालय, लखनऊ के प्रोफेसर हरिशंकर सिंह घलोक उपस्थित रहिन।
मुख्यमंत्री श्री साय ह कहिन कि शिप्रा पाठक के पर्यावरण संरक्षण के क्षेत्र म करे गए काम समाज बर प्रेरणा के स्रोत हे। उमन ये घलोक आश्वासन दीन के छत्तीसगढ़ सरकार पर्यावरण संरक्षण बर निरंतर काम करत हे अऊ कहिन के अइसन प्रयास ल हर संभव सहयोग प्रदान करे जाही।