नगरीय प्रशासन मंत्री ह खरोरा करिस अस्पताल के उद्घाटन

रायपुर, 8 फरवरी 2021। नगरीय प्रशासन मंत्री डॉ. शिवकुमार डहरिया ह खरोरा म महामाया सुपर स्पेश्यलिटी अस्पताल के उद्घाटन करिस। ये बेरा म उमन कहिन कि क्षेत्र म आधुनिक सुविधा मन वाले अस्पताल खुले ले तीर-तखार के मनखे मन ल इलाज म सहूलियत होही। उमन कहिन कि सरकार के कोसिस हे कि मनखे मन के आसानी ले इलाज मुहैया होवय, ओ मन ल कोनो प्रकार के परेशानी झन होवय। ये दिशा म सरलग काम करे जात हे। अस्पताल के उद्घाटन के बेरा म उमन कहिन कि चिकित्सा ले बढ़के कोनो आन सेवा नइ हे। हमर कोसिस होना चाही कि हम ये सेवा के उपयोग बेहतर तरीका ले कर सकन अऊ अपन पहिचान स्थापित कर सकन। ये बेरा म डॉ. निन्दर चावला, डॉ. गौरव अहलूवालिया, डॉ.गगनजीत कौर आदि उपस्थित रहिन।