शिविर मन ले राजस्व प्रकरण मन के होवत हेे तुरते ताही निराकरण

रइपुर, 24 मार्च 2021बुुधवार। छत्तीसगढ़ शासन के राजस्व अउ आपदा प्रबंधन विभाग डाहर ले राज्य के कई्यों ठिन जिला मन के गंंवई गांव म राजस्व संबंधी प्रकरण मन के तुरते ताही निराकरण शिविर लगाके करे जावत हेे। इही लरी म बेमेतरा जिला के बेमेतरा तहसील के खंडसरा के ग्राम पंचायत कार्यालय म शिविर आयोजित करेे गइन। ग्रामीण मन ल अपन-अपन समस्या मन के संबंध म आवश्यक कागज पत्तर अउ आवेदन बर तियारी खातिर समाचार पत्र अउ मुनादी के माध्यम ले जानबा कराए गइन। शिविर म निवास प्रमाण पत्र 19, जाति प्रमाण पत्र-18, फार्म सी-03, आय प्रमाण पत्र-01, अविवादित नामांतरण 05, अविवादित बंटवारा-08, सीमांकन-05, अभिलेख दुरुस्ती-1 एवं ऋणपुस्तिका-1 कुल 67 आवेदन प्राप्त होेइन जेमा केे 46 आवेदन मन के निराकरण शिविर स्थलेेच म करे गइन। बाचत 21 आवेदन न्यायालयीन प्रकरण होए केे सेेति संबंधित राजस्व न्यायालय म दर्ज कर लिए गे हेे। राजस्व के कइयो अकन मामला मन के निराकरण करे बर ब्लॉक के जम्मो प्रकरण ल आमंत्रित करे रिहिने जेमा के कुछु तुरताही त कुछु मामला मन ल निर्धारित बेरा केे भीतर म करना सुनिश्चित करे गइन। समस्या के निराकरण बर एस.डी.एम. बेमेतरा दुर्गेश वर्मा अपन अधीनस्थ् अधिकारी तहसीलदार आशुतोष गुप्ता, नायब तहसीलदार राजकुमार मरावी, रोशन साहू, सतरूपा साहू अउ राजस्व निरीक्षक लक्ष्मीनारायण शर्मा, कमलेश शर्मा, खुमानसिंह देशमुख, प्रेमप्रकाश शर्मा संग उपस्थित रिहिन।