शोले के वीरू बनिस प्रेमी, मोबाइल टावर म चढ़के प्रेमिका ल बुलाये के करत रिहिस मांग

Dilip Kumar

कांकेर, 16 जुलाई 2020। कांकेर जिला के कोरर थाना क्षेत्र म एकतरफा प्यार म युवक मोबाइल टावर उपर चढ़गे अउ लड़की ल बुलाये के मांग करत हुए जमके हंगामा करिस। मउका म पहुंचे पुलिस ह समझा के युवक ल नीचे उतारिस अउ थाना लाके पूछताछ करत हे। मामला किशनपुरी गांव के हे। टावर उपर चढ़े युवक के नाम दिलीप उसेंडी बताये जावत हे। वो कब टावर उपर चढ़गे एखर पता कोई ल नइ चलिस। लेकिन जब शोर मचाइस तब लोगन मन के ध्यान ओखर डहर गिस। युवक लगातार लड़की ल बुलाये के मांग करत रिहिन अउ कूदे के धमकी घलो देवत रिहिस। मामला के जानकारी मिलत ही कोरर पुलिस मउका म पहुंचगे अउ युवक ल समझा के नीचे उतार लिस।

लउछरहा..