रायपुर, 13 जुलाई 2020। छत्तीसगढ़ सिने अउ टेलीविजन प्रोडूसर्स एसोसिएशन ह शनिवार के मुख्यमंत्री भूपेश बघेल ले मुलाकात करे रिहिस. एसोसिएशन ह सीएम ले दूसर राज्य मन के तरह छत्तीसगढ़ म घलो फिलिम निर्माण अउ शूटिंग के अनुमति दे के मांग करे रिहिस, जेखर बाद मुख्यमंत्री ह ये मन ल आश्वस्त करे हे कि फिजिकल डिस्टेंसिंग अउ दूसर सुरक्षा मानक मन ल ध्यान म रखत, फिलिम निर्माण अउ शूटिंग के अनुमति जल्द दिलवा देहे जाही. ये सकारात्मक मुलाकात ऊपर एसोसिएशन ह बघेल ल धन्यवाद ज्ञापित करे हे.
