बलरामपुर, 8 जुलाई 2020। रामानुजगंज ले कांग्रेस विधायक बृहस्पत सिंह के घर रात म अचानक फायरिंग होय ले हड़कंप मच गे रहिस. घटना 6 जुलाई के हे. लेकिन मामला आज प्रकाश म आये हे. बने बात ये रहिस हे कोनो बड़का घटना नई होइस. एसपी रामकृष्ण साहू के हवाला ले मीडिया रिपोर्ट्स म बताये गे हे कि फायरिंग के घटना ल अजाम देने वाला पुलिस के जवान हे. वो 10वीं बटालियन के जवान विधायक के घर सुरक्षा म तैनात रहिस. घटना के रात वो शराब के नशा म रहिस. नशा के हालत म जवान लापरवाहीपूर्वक ड्यूटी करत हुए फायरिंग करे रहिस. हालांकि ये घटना म कोनो हताहत नई होइस. कोनो भी तरह ले कोनो हानि नई होय हे. लापरवाही बरतने वाला जवान के जानकारी 10वीं बटालियन ल दे देहे गए हे. बटालियन के डहर ले ओखर खिलाफ विभागीय कार्रवाई करे जाही. फिलहाल ये मामला म विधायक बृहस्पत सिंह के प्रतिक्रिया नई मिल पाये हे. जानकारी के अनुसार जोन रात ये घटना होइस विधायक घर म मौजूद नई रहिस. विधायक के पत्नी अउ बेटी रहिस.
प्रदेश म कांग्रेस विधायक के घर चलिस गोली, मचिस हड़कंप
