गौठान म काम करइया चरवाहा ले लेके मजदूर मन ल घलोक मिलही श्रम योगी मान धन योजना के लाभ

कवर्धा, 11 मार्च 2020। ग्रामीण अर्थव्यवस्था ल मजबूत करइया राज्य सरकार के सुराजी गांव योजना के तहत संचालित गौठान म काम करइया चरवाहा मन के घलोक अब पीएम श्रम योगी मानधन योजना के लाभ मिलही। कलेक्टर श्री अवनीश कुमार शरण ह आज समय सीमा के बैठक म पीएम श्रमयोगी अऊ पीएम किसान सम्मान निधि योजना के समीक्षा करत ए दुनों योजना म प्रगति लाय के निर्देश देहे हें। कलेक्टर श्री शरण ह जिला श्रम विभाग के अधिकारी ल निर्देश देवत कहिन कि श्रम योगी मान धन योजना म राज्य सरकार के ग्रामीण अर्थव्यवस्था ल मजबूत करइया सुराजी गांव के गौठान म काम करइया महिला स्वसहायता समूह मन अऊ चरवाहा मन ल घलोक ये योजना के तहत पंजीकृत करव। एखर बर उमन पशुधन विकास विभाग अऊ पंचायत ग्रामीण विकास विभाग ल निर्देश देहे हें। कलेक्टर ह एखर अलावा छोटे वनोउपज अऊ महात्मागांधी राष्ट्रीय रोजगार गांरटी योजना के तहत पंजीकृत श्रमिक परिवार मन ल घलोक ये योजना ले जोड़े बर पंचायत अउ ग्रामीण विकास कार्यालय ल हुकुम देहे हें।