मुख्यमंत्री श्री भूपेश बघेल ह आज साइंस कॉलेज मैदान म आयोजित प्रदेश स्तरीय श्रमिक सम्मेलन म करिस महत्वपूर्ण घोषणा

रायपुर,  नेहा राठौर के खबर/
• मुख्यमंत्री निर्माण मजदूर मंथली सीजन टिकट कार्ड योजना के अंतर्गत अइसे पंजीकृत निर्माण श्रमिक जे ह निर्माण कार्य ब अपन घर ले दुसर जघा रेल/ बस के माध्यम ले प्रतिदिन आना जाना (यात्रा) करथे। ओमन ल मंडल डहर ले रेल मंडल अउ परिवहन विभाग अउ नगर निगम कोती ले निर्धारित दर अनुसार 50 कि.मी. तक यात्रा करे न मासिक टिकट कार्ड (MST) दिए जाही, जेकर माध्यम ले अइसे श्रमिक मन के यात्रा म होए वाले जम्मो खरचा ल छ०ग० भवन अउ अन्य सन्निर्माण कर्मकार कल्याण मंडल ह करही।
• मुख्यमंत्री निर्माण श्रमिक मृत्यु एवं दिव्यांग सहायता योजना के अंतर्गत पंजीकृत निर्माण श्रमिक के कार्यस्थल म दुर्घटना मृत्यु ब देय सहायता राशि 1.00 लाख ले बढ़ाके 5.00 लाख रूपिया अउ स्थायी दिव्यांगता होए म देव सहायता राशि 50 हजार ले बढ़ाके 2.50 लाख रूपिया करे जाथ हे। अउ संग म अपंजीकृत श्रमिक कार्यस्थल म दुर्घटना ले मृत्यु होए म 1.00 लाख रूपिया के सहायता करे जाही।
• मुख्यमंत्री निर्माण श्रमिक आवास सहयता योजना :- मंडल कती ले ए योजना के अंतर्गत जादा से जादा निर्माण श्रमिक मन ल लाभान्वित करे के उद्देश्य ले योजना के पूर्व प्रावधान ल अधिक्रमित करत हुए नवीन आवास क्रय / नवीन आवास निर्माण न एकमुश्त राशि 50,000/- रूपिया अनुदान दिए जाही।
• दुर्घटना म चिकित्सा सहायता योजना ए योजना के नाम बदल के “मुख्यमंत्री निर्माण श्रमिक दीर्घायु सहायता योजना” रखे गईस हे , अउ संगे म अब ए योजना के अंतर्गत हृदय के शल्य क्रिया, गुर्दा के प्रत्यारोपण, लीवर के प्रत्यारोपण, मस्तिक के शल्य क्रिया, रीढ़ की हड्डी के शल्य क्रिया, पैर के घुटना के शल्य क्रिया, कैंसर ईलाज, लकवा ग्रसित जईसे गंभीर बीमारी ले पीड़ित पंजीकृत निर्माण श्रमिक मन ल शासन के अउ योजना के अलावा 20,000/- रूपिया तक अनुदान दिए जाही।