श्रमिक मन के सुविधा बर श्रम सुविधा केन्द्र (हेल्प लाइन सेंटर) स्थापित : श्रमिक मन के मदद बर दूरभाष सुविधा 24×7 उपलब्ध

रइपुर, 11 अप्रैल 2021 इतवार । छत्तीसगढ़ म कोरोना वायरस (कोविड-19) के बाढ़त संक्रमण के कारण विषम परिस्थिति मन ल दृष्टिगत रखत श्रमिक मन के सुविधा बर श्रम विभाग डाहर ले श्रम सुविधा केंद्र (हेल्पलाईन सेंटर) स्थापित करे गे हवय । मुख्यमंत्री दाउ भूपेश बघेल के निर्देशानुसार ये केन्द्र श्रमिक मन ल परामर्श अउ आवश्यकता अनुसार सहयोग करे बर 11 अप्रैल ले छत्तीसगढ़ श्रम कल्याण मंडल, शांति नगर रायपुर म प्रारंभ करे गे हवय ।
ये श्रमिक सुविधा केंद्र म वर्तमान म मोबाइल नंबर 91098-49992 अउ दूरभाष नंबर 0771-2443809 के माध्यम ले श्रमिक मन के कॉल सुने जाही अउ इन श्रमिक मन के मदद करे जाही । ये सुविधा श्रमिक मन बर 24×7 होही । प्रदेश के भीतर कार्यरत श्रमिक मन के या आने राज्य म रोजगार बर प्रवास म गए श्रमिक या अपन जिला ले आने जिला मन म रोजगार बर प्रवास म जवइया श्रमिक, वर्तमान कार्यस्थल म कोई समस्या, रेल अथवा बस के माध्यम ले छत्तीसगढ़ म वापसी पश्चात गृह नगर जाए म या कोविड-19 कोरोना वायरस ले संबंधी कोनो समस्या होवय त श्रम सुविधा केन्द्र ले परामर्श अउ आवश्यकतानुसार सहयोग करे बर संपर्क करे जा सकत हे ।

लउछरहा..