गुगल मैप म स्टोर करे जाही श्री धन्वंतरी जेनेरिक मेडिकल स्टोर्स के लोकेशन, गुगल बिजनेस डायरेक्ट्री म घलोक दर्ज करे जाही जानकारी

मुख्यमंत्री श्री भूपेश बघेल ह नागरिक मन के सुविधा बर नगरीय प्रशासन विभाग ल दीन हुकुम, स्टोर्स ले संबंधित शिकायत मन के निराकरण 24 घंटा के समय-सीमा म करे ल कहिन
स्टोर्स म बिल नइ मिले, दवा नइ होए, सही समय म स्टोर्स नइ खुले जइसे शिकायत मन के निदान बर टोल-फ्री नम्बर 1100 म शिकायत दर्ज कराए के व्यवस्था के घलोक हुकुम दीन
श्री धन्वंतरी जेनेरिक मेडिकल स्टोर्स ल पहिलीच दिन मिलीस अच्छा प्रतिसाद, दुर्ग म 311 रूपिया के ट्रैवल-किट सेट के 130 रूपिया म अऊ 691 रूपिया के होम-किट सेट के 290 रूपिया म बिक्री
रायपुर, मुख्यमंत्री श्री भूपेश बघेल के नागरिक मन ल सस्ता कीमत म दवई उपलब्‍ध कराए खातिर शुरू करे गए श्री धन्वंतरी जेनेरिक मेडिकल स्टोर योजना ल पहिलीच दिन कई ठन नगरीय निकाय मन म अच्छा प्रतिसाद मिले हे। मुख्यमंत्री श्री भूपेश बघेल ह पाछू 20 अकटूबर के प्रदेश भर म 94 मेडिकल स्टोर्स के वर्चुअल शुभारंभ के बाद भिलाई नगर निगम क्षेत्र म तीन, दुर्ग, भिलाई-चरोदा, राजनांदगांव, जगदलपुर, रायगढ़ अऊ कोरबा नगर निगम म दो-दो स्टोर्स के संग ही कोण्डागांव, केशकाल, फरसगांव, नारायणपुर, कांकेर, कोंटा, भैरमगढ़, भोपालपट्नम, सुकमा, दोरनापाल, बीजापुर, रामानुजगंज, बगीचा, प्रतापपुर, जशपुर नगर अऊ बलरामपुर जइसे कस्बाई क्षेत्र मन म संचालित ए दवा दुकान मन ले मनखे मन ल बहुत कम कीमत म दवई मिलत हे। दुर्ग म जेनेरिक दवई के अनूठा सेट तियार करे गए हे। उहां के श्री धन्वंतरी जेनेरिक मेडिकल स्टोर म 311 रूपिया के ट्रैवल-किट सेट 130 रूपिया म अऊ 691 रूपिया के होम-किट सेट 290 रूपिया म उपलब्‍ध हे। पहिलीच दिन उहां 27 ट्रैवल-किट सेट अऊ 22 होम-किट सेट के बिक्री हो गए हे।