‘काशी के कोतवाल’ श्री काल भैरव जी के दरबार म मुख्यमंत्री श्री विष्णुदेव साय ह करन पूजा-अर्चना

रायपुर, देवता मन के अधिदेव भगवान शंकर के पावन नगरी काशी म स्थित ‘काशी के कोतवाल’ श्री काल भैरव जी महाराज के दिव्य मंदिर म काली मुख्यमंत्री श्री विष्णुदेव साय ह पूजा अर्चना करके प्रदेशवासी मन के सुख-समृद्धि अऊ देश के कल्याण बर प्रार्थना करिन।
ए पावन अवसर म मुख्यमंत्री श्री साय ह बाबा काल भैरव के विधिवत आराधना करिन अऊ संपूर्ण राष्ट्र बर मंगलकामना करिन। उमन कहिन के बाबा भैरवनाथ के कृपा जम्‍मो देशवासी मन उपर सरलग बने रहय, इही मोर प्रार्थना हे। उमन देश के नागरिक मन के जीवन म सुरक्षा, समृद्धि अऊ कल्याण के प्रकाश के निरंतर प्रवाह के कामना घलोक करिन।
मुख्यमंत्री श्री विष्णुदेव साय ह विशेष रूप ले छत्तीसगढ़ राज्य के शांति, विकास अऊ जनकल्याण के दिशा म अग्रसर यात्रा बर बाबा काल भैरव जी ले आशीर्वाद प्राप्त करिन। उमन विश्वास व्यक्त करिन के ईश्वर के कृपा ले प्रदेश अऊ देश म सुशासन अऊ समृद्धि के मार्ग अऊ जादा सुदृढ़ होही।