रायपुर, 21 दिसंबर 2023। मुख्यमंत्री श्री विष्णुदेव साय ले आज इहां राज्य अतिथि गृह पहुना म वरिष्ठ इतिहासकार आचार्य रमेन्द्रनाथ मिश्र ह सौजन्य मुलाकात करिन। मुख्यमंत्री श्री साय ह स्वतंत्रता संग्राम सेनानी अऊ वरिष्ठ साहित्यकार पंडित सुंदरलाल शर्मा के जयंती के अवसर म आचार्य श्री मिश्र कोति ले संपादित अउ संयोजित श्री कृष्ण जन्मस्थान समाचार पत्र नामके पुस्तक के विमोचन करिन। जानबा हे कि सामाजिक बदलाव के प्रणेता रहे पंडित सुंदरलाल शर्मा ह स्वतंत्रता संग्राम के समय 1922-23 म जेल ले हस्तलिखित श्री कृष्ण जन्म स्थान समाचार पत्र निकालत रहिन। छत्तीसगढ़ के वरिष्ठ इतिहासकार आचार्य रमेन्द्रनाथ मिश्र ह श्री कृष्ण जन्मस्थान समाचार पत्र ल किताब के रूप म संकलित अउर संयोजित करे हें।
मुख्यमंत्री श्री विष्णुदेव साय ह आचार्य श्री मिश्र ल पंडित सुंदरलाल लाल शर्मा के हस्तलिखित श्री कृष्ण जन्मस्थान समाचार पत्र ल सहेजके फेर संपादन करे बर शुभकामना दीन। मुख्यमंत्री ह पंडित सुंदरलाल शर्मा ल उंखर जयंती के अवसर म नमन करत कहिन कि ये महत्वपूर्ण अऊ ऐतिहासिक कृति के संकलन ले युवा पीढ़ी ल अपन पुराधा मन के संघर्ष अऊ ऊंखर योगदान ल जाने-समझे के अवसर मिलही।
