अयोध्या धाम दर्शन बर जात रायगढ़ के श्रद्धालु मन के पहिली जत्था रवाना

रायगढ़, 11 मार्च 2024। श्री राम लला दर्शन योजना के तहत अयोध्या धाम के दर्शन बर रायगढ़ जिला ले श्रद्धालु मन के पहला जत्था आज भिनसरहा रवाना होइस। वित्त मंत्री श्री ओ.पी.चौधरी ह बिलासपुर रेलवे स्टेशन म पहुंचके प्रभु श्रीराम के जयकारा लगात रायगढ़ के श्रद्धालु मन के जत्था ल अयोध्या धाम बर रवाना करिन। उमन सबो यात्री मन ल सुखद सफर के शुभकामना दीन।
रायगढ़ जिला ले अयोध्या धाम दर्शन बर पहिली जत्था म जिला ले कुल 112 यात्री सामिल होवत हें। एमां 84 ग्रामीण क्षेत्र ले हें अऊ 28 शहरी क्षेत्र के श्रद्धालु सामिल हे। सड़क मार्ग ले श्रद्धालु मन के ये दल बिलासपुर पहुंचिन। फेर उहां ले स्पेशल आस्था ट्रेन ले आगू के सफर बर रवाना होइन। श्रद्धालु मन के दल 14 मार्च के वापस लहुटही। तीन दिन के यात्रा के समय यात्री अयोध्या धाम के संग वाराणसी म काशी विश्वनाथ के घलोक दर्शन करहीं। यात्री मन के सहयोग बर 3 अधिकारी मन के टीम घलोक जत्था के संग रवाना होए हें।