रायपुर, 04 सितंबर 2024। मुख्यमंत्री श्री विष्णुदेव साय के पहल म शुरू करे गए श्री रामलला दर्शन योजना के तहत सारंगढ़ ले 30 मनखे के दल काली रवाना होइस। कलेक्टर श्री धर्मेश साहू ह जिला के चौथइया जत्था ल हरी झंडी देखाके रवाना करिन। पाछू तीन महिना ले हर एक महिना 30 मनखे के दल प्रभु श्री राम के दर्शन बर अयोध्या जात हे। ये दल सारंगढ जिला मुख्यालय ले बस ले बिलासपुर रेल्वे स्टेशन पहुँचही, फेर उहां ले अयोध्या तक के सफर रेल ले होही।
ए यात्रा ले श्रद्धालु मन म भारी उत्साह हे। श्रद्धालुगण भगवान राम के जय-जयकार करत अयोध्या धाम बर निकल गे हें। श्रद्धालु भजन-कीर्तन करत भक्तिमय माहौल म श्री रामलला के दर्शन बर जावत हें। ये यात्रा म भोजन, बस, रेल आदि के सेवा छत्तीसगढ़ सरकार के योजना के तहत निःशुल्क उपलब्ध कराए जात हे।
रामलला दर्शन बर जवइया दर्शनार्थी मन ह कहिन कि मुख्यमंत्री श्री विष्णुदेव साय ह श्री रामलला दर्शन बर योजना के शुरूआत करे हें। एखर बर श्रद्धालु मन ह मुख्यमंत्री ल बहुत-बहुत धन्यवाद देहे हें। अयोध्या दर्शन हमर जइसे मनखे मन बर असंभव रहिस, फेर मुख्यमंत्री के पहल म आज हमला अयोध्या म श्री रामलला के दर्शन संभव होय हे। आज अयोध्या बर रवाना होवत हमला बहुत खुशी होवत हे।
