श्री रामलला दर्शन योजना के तहत सरगुजा संभाग ले 850 श्रद्धालु मन के जत्था अयोध्या धाम रवाना

रायगढ़, मुख्यमंत्री श्री विष्णु देव साय के महत्वाकांक्षी योजना श्री रामलला दर्शन योजना के तहत सरगुजा संभाग ले सतवइया यात्रा म 850 श्रद्धालु मन के जत्था बुधवार के अंबिकापुर रेलवे स्टेशन ले अयोध्या धाम बर रवाना होइस। मुझनिया 2 बजे विशेष ट्रेन ले अंबिकापुर विधायक श्री राजेश अग्रवाल ह हरी झंडी देखाके ट्रेन ल रवाना करिन। उमन सबो श्रद्धालु मन ल मंगलमय अऊ सुखद यात्रा के शुभकामना दीन। ए बेरा म जिला पंचायत अध्यक्ष श्रीमती निरुपा सिंह, नगर निगम के महापौर श्रीमती मंजूषा भगत, सभापति श्री हरमिन्दर सिंह टिन्नी, जिला प्रशासन के अधिकारीगण अऊ आन जनप्रतिनिधि घलोक उपस्थित रहिन।
अयोध्या धाम के ए पावन यात्रा ल लेके श्रद्धालु मन म विशेष उत्साह देखे गीस। उमन ए यात्रा के उत्तम व्यवस्था अऊ निःशुल्क सुविधा बर मुख्यमंत्री श्री विष्णुदेव साय के आभार व्यक्त करिन। समाज कल्याण विभाग के उप संचालक श्री व्ही. के. उईके ह जानकारी दीस के ए चरण के यात्रा म सरगुजा जिला ले 170, जशपुर ले 204, बलरामपुर-रामानुजगंज ले 164, सुरजपुर ले 147, कोरिया ले 108 अऊ मनेन्द्रगढ़- चिरमिरी- भरतपुर ले 57 श्रद्धालु सामिल हे।
जानबा हे के श्री रामलला दर्शन योजना के अंतर्गत शासन कोति ले श्रद्धालु मन ल अयोध्या धाम के यात्रा बर निःशुल्क ट्रेन सुविधा, भोजन, आवास अऊ आन सबो जरूरी व्यवस्था देहे जात हे। ये योजना मुख्यमंत्री श्री विष्णुदेव साय के जनकल्याणकारी पहल हे, जेखर माध्यम ले प्रदेशवासी मन ल जीवन म एक पइत भगवान श्रीराम लला के दर्शन के सौभाग्य प्राप्त होवत हे। अब तक हजारों श्रद्धालु ए योजना के माध्यम ले अयोध्या धाम के यात्रा कर डरें हे अऊ ये सिलसिला सरलग चतल हे।