श्रीरामलला दर्शन बर 72 श्रद्धालु रवाना

कांकेर, श्रीरामलला दर्शन (अयोध्या धाम) यात्रा योजना के अंतर्गत आज कांकेर जिला के 72 दर्शनार्थी मन अऊ 02 अनुरक्षक मन के संग कुल 74 यात्री रवाना होइस। कांकेर स्थित आजीविका महाविद्यालय ले ए मन ल राजनांदगांव रेलवे स्टेशन बर रवाना करे गीस, जिहां ले 6 अगस्त ले ये अयोध्या धाम दर्शन बर प्रस्थान करही। दर्शनार्थी मन के कांकेर ले रवाना होए के मौका म नगर पालिका के अध्यक्ष श्री अरूण कौशिक, उपाध्यक्ष श्री उत्तम यादव, जनपद पंचायत के अध्यक्ष श्रीमती पूर्णिमा कावडे़ अऊ उपाध्यक्ष श्रीमती तारिणी बाबा ठाकुर घलोक मौजूद रहिन।