रायपुर, 10 फरवरी 2020। मुख्यमंत्री श्री भूपेश बघेल ले आज इहां ऊंखर निवास कार्यालय अऊ पुलिस लाइन हेलीपेड म मंत्री-विधायक, जनप्रतिनिधि अऊ प्रदेश के कई जिला ले आए नागरिक मन ह सौजन्य मुलाकात करिन। उमन मुख्यमंत्री श्री भूपेश बघेल ल मुख्यमंत्री के रूप म उंखर पहिली विदेश यात्रा बर बधाई अऊ शुभकामना दीन। मुख्यमंत्री ह ओ मन ल धन्यवाद दीन। मुख्यमंत्री पुलिस लाइन हेलीपेड ले विधानसभा अध्यक्ष श्री चरणदास महंत अऊ गृह मंत्री श्री ताम्रध्वज साहू के संग पेण्ड्रा बर रवाना होइन।
मुख्यमंत्री श्री बघेल ले ऊंखर निवास कार्यालय म महिला अउ बाल विकास मंत्री श्रीमती अनिला भेंड़िया, विधायक श्री कुलदीप जुनेजा, पुलिस लाइन हेलीपेड म खाद्य मंत्री श्री अमरजीत भगत, विधायक सर्वश्री ननकी राम कंवर, श्री बृहस्पति सिंह, श्री यू. डी. मिंज, श्री राम कुमार यादव, नगर निगम रायपुर के महापौर श्री एजाज ढेबर, सरगुजा, कोरिया, जशपुर, बलरामपुर संग कई ठन जिला मन ले आए नागरिक मन ह मुख्यमंत्री ले मुलाकात करके ओ मन ल शुभकामना दीन।