बिलासपुर , 28 फरवरी 2024। बिलासपुर जिला के बेलतरा क्षेत्र के 12 गांव मन के खेती-किसानी अब बिलकुल बदल जाही, ये पूरा क्षेत्र लहलहा उठही। इहां खेत मन म सिंचाई लिफ्ट इरीग्रेशन सिसटम ले करे जाही। ए सिसटम ले खारंग जलाशय ले 2500 एकड़ म सिंचाई बर भरपूर पानी मिलही।
मुख्यमंत्री श्री विष्णु देव साय के नेतृत्व म राज्य सरकार के पहिली बजट म बेलतरा क्षेत्र के खारंग जलाशय के नजदीक के 12 गांव मन ल लिफ्ट एरिगेशन योजना के संग सिंचाई के पानी देहे बर बजट प्रावधान करे गए रहिस एखर ले ए गांव वाले मन म कई बरिस जुन्ना अपन मांग के पूरा होए के विश्वास जागे हे। ए उत्साहित गांव वाले मन ह राजधानी रायपुर म विधानसभा पहुंचके आज बेलतरा विधायक श्री सुशांत शुक्ला के नेतृत्व म मुख्यमंत्री श्री साय ले मुलाकात करिन अऊ बजट प्रावधान करे बर ऊंखर प्रति आभार प्रकट करिन।
मुख्यमंत्री श्री विष्णु देव साय के पहल: बेलतरा क्षेत्र के 12 गांव मन ल अब मिलही सिंचाई के पानी
