15 मई, 2025। दंतेवाड़ा। छत्तीसगढ़ के मुख्यमंत्री विष्णुदेव साय ह सुशासन तिहार के तहत सनिच्चर के दंतेवाड़ा जिला के घोर नक्सल प्रभावित गांव मुलेर के दौरा करिन। ये गांव कभू नक्सल गतिविधि मन बर जाने जात रहिस, फेर अब उहां बदलाव के पुराही चलत हे।
मुख्यमंत्री ह गांव के बीचोंबीच एक अमली के पेड़ के तरी चौपाल लगाईन, खटिया म बइठके गांव वाले मन के समस्या सुनलन अऊ तुरंते साहेब मन ल कार्रवाई के निर्देश दीन। ए मौका म गांव के मनखे मन ह मुख्यमंत्री के पारंपरिक तरीका ले मउहा अऊ आमा पाना ले बने हार अऊ गौर मुकुट पहिरा के स्वागत ककरिन।
साय जी ह ए बेरा म आंगनबाड़ी केंद्र के जांच करिन, लइका मन ले बातचीत करिन अऊ ओ मन ल पिपरमेंट घलोक बांटिन। एखर अलावा उमन गांव के राशन दुकान के घलोक जायज़ा लीन अऊ सार्वजनिक वितरण प्रणाली (PDS) के स्थिति देखिन।
मुख्यमंत्री के संग मुख्य सचिव अमिताभ जैन, डीजी अरुण देव गौतम अऊ प्रमुख सचिव सुबोध कुमार सिंह घलोक मौजूद रहिन। सुरक्षा के लिहाज़ ले गांव म भारी संख्या म जवान तैनात रहिन।
छत्तीसगढ़ के घोर नक्सल प्रभावित गांव पहुंचिन सीएम साय, अमली तरी चौपाल लगाके गांव वाले मन ले करिन गोठ बात
