रायपुर, 16 फरवरी 2024। स्वास्थ्य मंत्री श्री श्याम बिहारी जायसवाल ह आज विधानसभा सदन म एक बड़का घोषणा करत प्रदेश म स्वास्थ्य कर्मि मन के अटैचमेंट खतम करे के बात कहे हें। स्वास्थ्य मंत्री ह कहिन के अइसन जानकारी मिले हे कि बिना कोनो कारण के दूरस्थ क्षेत्र मन म पदस्थ स्वास्थ्य कर्मचारि, नर्सिंग स्टाफ अउ चिकित्सक मन ल आन जगा मनचाहा जगा मन म अटैच करे गए हे जेखर से आम मनखे मन ल मिलइया स्वास्थ्य सुविधा प्रभावित होवत हे।
श्री जायसवाल ह कहिन के कहूं अइसन विशेष हालत हे जिहां स्वास्थ्य विभाग के स्टाफ के कमी हे अऊ अटैचमेंट करना अनिवार्य होही त विभागीय अनुमति लेके ओला जारी रखे जा सकत हे। स्वास्थ्य मंत्री श्री जायसवाल ह कहिन हे कि मुख्यमंत्री श्री विष्णुदेव साय के स्पष्ट निर्देश हे कि प्रदेश म स्वास्थ्य सुविधा ल लेके आम जनता ल परेशानी झन होवय। अइसन स्थिति म अकारण ही अटैचमेंट जइसे व्यवस्था ले दूरस्थ क्षेत्र मन म स्टाफ के कमी ले आम मनखे मन ल परेशानी होथे जेन ल खतम करना जरूरी हे।
असली पद म वापस लहुटहीं स्वास्थ्य विभाग के कर्मचारी अउ चिकित्सकीय स्टाफ: श्री श्याम बिहारी जायसवाल
