मुख्यमंत्री ले छत्तीसगढ़ सिक्ख संगठन के प्रतिनिधिमंडल ह करिस सौजन्य मुलाकात

रायपुर 12 फरवरी 2021। मुख्यमंत्री श्री भूपेश बघेल ले काली संझा इहां ऊंखर निवास कार्यालय म रायपुर उत्तर के विधायक अऊ छत्तीसगढ़ गृह निर्माण मण्डल के अध्यक्ष श्री कुलदीप जुनेजा के नेतृत्व म छत्तीसगढ़ सिक्ख संगठन के प्रतिनिधिमंडल ह सौजन्य मुलाकात करिन।
प्रतिनिधिमंडल ह मुख्यमंत्री ल सम्मान स्वरूप श्री-कृपाण, शॉल अऊ स्मृति चिन्ह भेंट करिन अऊ ये साल होवइया सिख धर्म के नौवा गुरु, गुरु तेगबहादुर जी के 400वां प्रकाश पर्व के आयोजन के संबंध म मुख्यमंत्री श्री बघेल ल अवगत कराइन। मुख्यमंत्री श्री भूपेश बघेल ह कहिन कि सिख धर्म के गुरु मन ह अपन त्यागपूर्ण जीवन ले समाज ल भाईचारा अऊ समरसता के संदेश देहे हें। गुरु मन के ये वाणी हम सबो बर प्रेरणादायी हे। ये बेरा म सर्वश्री दलजीत सिंह चावला, गुरमीत सिंह संधू, परविंदर भाटिया, हरपाल भामरा, लवली अरोरा, टिंकू होरा संग छत्तीसगढ़ सिक्ख संगठन के बहुत अकन सदस्य उपस्थित रहिन।